सन्धिखर्क, अर्घाखाँची - नेकपा एमाले अर्घाखाँचीको छैठौ जिल्ला अधिवेशन असोज २३ र २४ गते सन्धिखर्कमा हुने भएको छ।
एमालेले पार्टीको जिल्ला अधिवेशन सम्पन्न गर्नको लागि जनार्दन खनालको संयोजकत्वमा ८० सदस्यीय जिल्ला संगठन कमिटी चयन गरेको छ। कमिटिको २२ सदस्यीय जिल्ला सचिवालयको समेत गठन गरेको छ।
सचिवालयमा नरेन्द्र कुमार क्षेत्री, पिताम्बर भुसाल, रामजी प्रसाद घिमिरे, बुद्धिराम भुसाल, पिताबर सारु, धुर्व पाण्डे, बुद्धिबहादुर रायमाझी, जीवनारायण कोइराला, पिताम्बर भुसाल(ख), दधिराम आचार्य, भविश्वर पाण्डे, दलबहादुर भट्टराई, शालिकराम आचार्य, पवित्रा पौडेल, बोमबहादुर बिक, रुद्ध पोखेरेल, धुर्व के.सी, खेमराज खनाल, कुटमदिन अली, कृष्ण पौडेल र खगेश्वर पन्थी लगायत हुनुहुन्छ।
एमालेले अधिवेशनको लागि भाद्र १० गतेसम्म सदस्यता वितरण तथा नविकरण गर्ने, भाद्र मसान्तसम्म सबै गाबिसमा गाउँ अधिवेशन सम्पन्न गर्ने, असोज २ गते निर्वाचन क्षेत्र न- १ र असोज ३ गते निर्वाचन क्षेत्र न- २ को अधिवेशन सम्पन्न गर्ने निर्णय गरेको नेकपा एमाले अर्घाखाँचीद्धारा पार्टी कार्यालय सन्धिखर्कमा आयोजित पत्रकार सम्मेलनमा जनाइएको थियो।
--------
@ www.arghakhanchi.com
20090802
Subscribe to:
Post Comments (Atom)
No comments:
Post a Comment