सन्धिखर्कका सडकहरुमा घडेरी प्लाटिङका कारण स्थानिय बासिन्दाहरुलाई ठुलो सास्ती

सन्धिखर्क, अर्घाखाँची - सदरमुकाम सन्धिखर्क स्थित गुण्टी खोलाको सडकमा घडेरी प्लाटिङ गर्नेहरुका कारण सडकमा माटो थुप्रिदा सडकमा आवाजजावात गर्नेहरुमा ठुलो सास्ती व्यहोर्दै आएका छन।

सन्धिखर्क गोर्सिङ्गे सडकको उद्ग गम स्थल सन्धिखर्क बसपार्कको पाँच सय मिटर नजिकैको पक्की सडकमा माटो थुप्रिदा भएको हिलोका कारण स्थानिय बासिन्दाहरुले हिडडुल गर्न र सवारी चालकहरुले सवारीका साधनहरु संचालन गर्न ठुलो सास्ती व्यहोर्नु परेको हो।

सडक पक्की नहुँदा हिलो र धुलोका कारण सास्ती व्यहोरेका स्थानिय बासिन्दाहरु सडक पक्की भएपछि पनि समस्याबाट मुक्ती पाउन नसक्दा हैरानीमा परेका बताउनछन।

स्कुल र क्याम्पस पढन जाने बिधार्थीहरुको पनि प्रमुख बाटो नै यही सडक भएकोले दैनिक जसो हजारौ मानिस हिलोमा चिप्लिएर लडने, सवारीका साधनहरु हिलोमा फस्ने गरेको देख्न पाईन्छ। हिलोले कपडा बिग्रनुलाई त यहाँ सामान्य नै मान्ने गरेको स्थानिय बासिन्दाको भनाइ छ।

व्यक्तिगत प्रयोजनका निम्ती सडकमा अवरोध पुर्याएको महिनौ बितिसक्दा पनि स्थानिय प्रशासनको चासो नपुग्दा स्थानिय बासिन्दाहरु आक्रोसित बनेका छन।
---
@ www.arghakhanchi.com