ठाडा गाबिसका ९ वर्षिय बालक रमेश घर्तीको कपिलबस्तुमा डुबेर मृत्‍यु

सन्धिखर्क, अर्घाखाँची - कपिलबस्तुको महेन्द्रकोट गाबिस वार्ड नम्बर- ८ स्थित गुरुङे खोलामा डुबेर एक बालकको मृत्‍यु भएको छ। अर्घाखाँची जिल्ला ठाडा गाबिस- ५ घर भएका ९ वर्षिय बालक रमेश घर्तीको डुबेर मृत्‍यु भएको प्रहरीले जनाएको छ।

स्थानियबासीले उनको शव पानीमा तैरिएको देखेपछि प्रहरीलाई खबर गरेका थिए। नुहाउन गएका घर्ती गहिरो ठाउमा पुगेपछि डुबेर मरेको प्रहरीको प्रारम्भिक प्रतिवेदनले जनाएको छ। लाशको पोस्टमार्टम पछि परिवारलाई बुझाइएको थियो।