खनको गुरासेमा पहिलो पटक मोटर,स्थानिय बासिन्दा अत्यन्तै खुशी भएर नाचगान

सन्धिखर्क, अर्घाखाँची - अर्घाखाँचीको खन गुरासेमा पहिलो पटक मोटर पुगेपछि स्थानिय बासिन्दा अत्यन्तै खुशी भएर नाचगान गरेका छन।

कार्कीटोला खन हुँदै गुरासे जोडने ४ किलोमिटर मोटारबाटो निर्माण कार्य सम्पन्न भएर पहिलो पटक गाडी पुगेपछि स्थानिय बासिन्दाहरु बाजा बजाएर नाचगान गरेका हुन।

सांसद कोष, जिबिस अनुदान, नरनारायण बाबाको आर्थिक सहयोग र जन श्रमदान गरी करिब २५ लाखको लागतमा मोटरबाटो निर्माण कार्य सम्पन्न भएको हो। पहिलो पटक मोटर लिएर जाने ड्राइभर र मोटरलाई समेत स्थानिय बसिन्दाले फुल, माला र अविरले स्वागत गरेका थिए।